ନୂଆଦିଲ୍ଲୀ,୨୨/୦୨:ଦିଲ୍ଲୀରୁ ମିରଟ ଯାତ୍ରା । ଏଣିକି ମାତ୍ର ୫୫ ମିନିଟରେ ।ଭାରତର ସବୁଠୁ ସେମି ହାଇସ୍ପିଡ୍ ଟ୍ରେନ୍ ନମୋ ଭାରତ ରାପିଡ୍ ରେଳର ସମ୍ପୂର୍ଣ୍ଣ କରିଡରକୁ ଉଦ୍ଘାଟନ କରିଛନ୍ତି ପ୍ରଧାନମନ୍ତ୍ରୀ ମୋଦି।କମ୍ ଦାମରେ ମିଳିବ ଉଚ୍ଚମାନର ସୁବିଧା। ଭାରତର ସବୁଠାରୁ ଦ୍ରୁତତମ ମେଟ୍ରୋ ଟ୍ରେନ୍ ସେବା ମିରଟରେ ଜନସାଧାରଣଙ୍କ ପାଇଁ କାର୍ଯ୍ୟକ୍ଷମ ହୋଇଛି। ମିରଟ ମେଟ୍ରୋ ଉଦଘାଟନ କରିବା ପରେ, ପ୍ରଧାନମନ୍ତ୍ରୀ ମୋଦୀ ଏଥିରେ ଯାତ୍ରା ମଧ୍ୟ କରିଥିଲେ। ତାଙ୍କ ସହିତ ସ୍କୁଲ ପିଲା ଏବଂ କଲେଜ ଛାତ୍ରମାନେ ଉପସ୍ଥିତ ଥିଲେ। ପ୍ରଧାନମନ୍ତ୍ରୀ ମୋଦିଙ୍କ ସହ ସେମାନଙ୍କ ସହ ଭାବ ବିନିମୟ କରିଥିଲେ।
ନମୋ ଭାରତ ରାପିଡ୍ ରେଳ ମହିଳା ସଶକ୍ତିକରଣ ଉପରେ ମଧ୍ୟ ଗୁରୁତ୍ୱ ଦିଏ। ପ୍ରାୟ ୮୦ ପ୍ରତିଶତ ଡ୍ରାଇଭର କର୍ମଚାରୀ ମହିଳା ହେବେ। ଦିଲ୍ଲୀ ଏବଂ ମିରଟ ମଧ୍ୟରେ ଯାତ୍ରା ସମୟ ଏବେ ୫୫ ମିନିଟକୁ ହ୍ରାସ ପାଇବ। ଦିଲ୍ଲୀର ସରାଇ କାଲେ ଖାନ ଷ୍ଟେସନରେ ଏକ ବହୁ-ସମିଶ୍ରିତ ପରିବହନ ବ୍ୟବସ୍ଥା ବିକଶିତ କରାଯାଇଛି। ସ୍ମାର୍ଟ ଟିକେଟିଂ ଭେଣ୍ଡିଂ ମେସିନ୍ ସ୍ଥାପନ କରାଯାଇଛି ଏବଂ QR କୋଡ୍-ଆଧାରିତ ଟିକେଟିଂ ବ୍ୟବସ୍ଥା ପ୍ରଦାନ କରାଯାଇଛି।
ଭବିଷ୍ୟତର ଆବଶ୍ୟକତାକୁ ଦୃଷ୍ଟିରେ ରଖି ଷ୍ଟେସନରେ ଛଅଟି ପ୍ଲାଟଫର୍ମ ନିର୍ମାଣ କରାଯାଇଛି। ଯାହା ଦ୍ୱାରା ଭବିଷ୍ୟତରେ ଦିଲ୍ଲୀ-ଅଲୱାର ଏବଂ ଦିଲ୍ଲୀ-କର୍ଣ୍ଣାଲ ରାପିଡ୍ ରେଳଗୁଡ଼ିକ ଏହା ସହିତ ସଂଯୋଗ ହୋଇପାରିବ। ନମୋ ଭାରତ ରାପିଡ୍ ରେଳରେ ବୁଲେଟ୍ ଟ୍ରେନ୍ ପରି ଆଧୁନିକ ସ୍ପର୍ଶ ରହିବ। ଟ୍ରେନ୍ ଘଣ୍ଟା ପ୍ରତି ୧୮୦ କିଲୋମିଟର ବେଗରେ ଚାଲିବାକୁ ସକ୍ଷମ ଏବଂ ଏହାର ଡ୍ରାଇଭର କନସୋଲ ସମ୍ପୂର୍ଣ୍ଣ ଡିଜିଟାଲ୍। ଏଥିରେ ମୋବାଇଲ୍ ଏବଂ ଲାପଟପ୍ ଚାର୍ଜିଂ ପଏଣ୍ଟ ସହିତ ପ୍ରିମିୟମ୍ କୋଚ୍ ମଧ୍ୟ ରହିଛି। ସୂର୍ଯ୍ୟକିରଣରୁ ରକ୍ଷା ପାଇଁ ବ୍ଲାଇଣ୍ଡ ପରଦା ଯୋଗାଇ ଦିଆଯାଇଛି।
କେବଳ ଏତିକି ନୁହେଁ ପ୍ରଧାନମନ୍ତ୍ରୀ ୟୁପି ମୁଖ୍ୟମନ୍ତ୍ରୀ ଏବଂ ନ୍ୟାସନାଲ କ୍ୟାପିଟାଲ ରିଜନ୍ ଟ୍ରାନ୍ସପୋର୍ଟ ଅଧିକାରୀଙ୍କ ସହ ଶତାବ୍ଦୀ ନଗରରୁ ମେରଟ୍ ସାଉଥ୍ ଯାଏଁ ନମୋ ଭାରତ ଟ୍ରେନରେ ଯାତ୍ରା କରିଥିଲେ । ଯାତ୍ରାରେ ସେମାନେ ସାଧାରଣ ଯାତ୍ରୀଙ୍କ ସହ କଥା ହୋଇଥିଲେ । ଏହି ପ୍ରିମିୟମ କୋଚରେ ଆରାମଦାୟକ ସିଟ୍, ମୋବାଇଲ ଚାର୍ଜିଂ ୟୁଏସବି ପୋର୍ଟ, ଅଗ୍ନିନିର୍ବାପକ ଯନ୍ତ୍ର,ଲଗେଜ ରଖିବାର ସ୍ଥାନ, ଟ୍ରେନର ସ୍ପିଡ ଏବଂ ଆଗାମୀ ଷ୍ଟେସନର ସୂଚନା ଦେଉଥିବା ସ୍କ୍ରିନ, ୱେଡିଂ ମେସିନରୁ ରିଫ୍ରେସମେଣ୍ଟ ସୁବିଧା ରହିଛି ।
