ଭୁବନେଶ୍ୱର: ପାରମ୍ପରିକ ଓ ଆଧୁନିକତାର ଛାପ ସହିତ ଆଗକୁ ବଢ଼ୁଥିବା ଭୁବନେଶ୍ୱରରେ ଏକ ନିରବ ବିପ୍ଳବ ଚାଲିଛି । ଯୁବ ଦୂରଦ୍ରଷ୍ଟା ଓ ଉଦ୍ୟୋଗୀ ସୃଷ୍ଟି କରିବାର ଏକ ହଟ୍ସ୍ପଟ୍ ଭାବେ ଏହା ଉଭା ହୋଇଛି । ଷ୍ଟାର୍ଟଅପ୍ ଓଡ଼ିଶାର ଦୁଇ ଅଭିଯାନ ଓଡ଼ିଶା ଷ୍ଟାର୍ଟଅପ୍ ଯାତ୍ରା ଓ ଓଡ଼ିଶା ଷ୍ଟାର୍ଟଅପ୍ ଏକ୍ସପ୍ରେସ୍ ଦ୍ୱାରା ଏହା ସମ୍ଭବ ହୋଇଛି ।
ନିକଟରେ ଶେଷ ହୋଇଥିବା ଏହି ଦୁଇ ଅଭିଯାନ ଓଡ଼ିଶାର ବିଭିନ୍ନ ଶିକ୍ଷାନୁଷ୍ଠାନର ୩୬,୦୦୦ରୁ ଅଧିକ ଛାତ୍ରଛାତ୍ରୀ ସକ୍ରିୟ ଭାବେ ଅଂଶଗ୍ରହଣ କରିଥିବାରୁ ଉତ୍ସାହ ଦେଖିବାକୁ ମିଳିଥିଲା । କର୍ମଶାଳା, ମେଂଟରସିପ୍ ଅଧିବେଶନ ଏବଂ ପ୍ରତିଯୋଗିତାଗୁଡ଼ିକ ଏହି ଯୁବମନମାନଙ୍କୁ ଚିନ୍ତାଧାରାକୁ କାର୍ଯ୍ୟକ୍ଷମ ଷ୍ଟାର୍ଟଅପ୍ରେ ପରିଣତ କରିବାର ଜଟିଳ ଯାତ୍ରା ମାଧ୍ୟମରେ ମାର୍ଗଦର୍ଶନ କରିଥିଲେ । ଓଡ଼ିଶାର ଯୁବପିଢ଼ିଙ୍କ ଠାରୁ ୪୪୦୦ରୁ ଅଧିକ ଅଭିନବ ଚିନ୍ତାଧାରା ଆସିଥିଲା ଯାହା ରାଜ୍ୟ ଭିତରେ ସୃଜନଶୀଳତାର ବିବିଧତାକୁ ପ୍ରଦର୍ଶିତ କରୁଛି ।
ଷ୍ଟେରିଓଭିଜନ କ୍ୟାମେରା, ଭର୍ଚୁଆଲ ରିଆଲିଟି ସେଟ୍, ଲିକ୍ୱିଡ୍ ବାୟୋଫର୍ଟିଲାଇଜର, ମିଲେଟ୍ ଆଧାରିତ ରେଡି-ଟୁ-ଇଟ୍ ପ୍ରଡକ୍ଟ, ପ୍ରେସ୍ ଫିଟ୍ ଫ୍ୟୁଜ୍, କଟନ୍ ଫାର୍ମ ପାଇଁ ଏଆଇ-ଆଧାରିତ ଆଗ୍ରୋ-ବଟ୍, ଫାର୍ମାସ୍ୟୁଟିକାଲ ଶିଳ୍ପରେ କର୍ଣ୍ଣଷ୍ଟାର୍ଚ-ଆଧାରିତ ବାୟୋପ୍ଲାଷ୍ଟିକ୍, ଅନଲାଇନ୍ ଡୋର୍ ଷ୍ଟେପ୍ ମରାମତି ସେବା, ଦୀର୍ଘସ୍ଥାୟୀ ବିଲ୍ ବୋର୍ଡ, ହସ୍ତାକ୍ଷର ପରିଚୟକାରୀ, ଉତର ଫାଇଣ୍ଡର, ଜଙ୍କ୍ ଆଣ୍ଡ ସୁଗାରକୁ ଏଡ଼ାଇବା ପାଇଁ ଏକ ଆପ୍, ସ୍ନାୟୁ ଫାଇଣ୍ଡର ଏବଂ ଅଭିନବ ଆବର୍ଜନା ପରିଚାଳନା ସମାଧାନ ଉଦ୍ଭାବନର ଆଲୋକ ଭାବରେ ଚମକିଥିଲା ।
ଏହି ଅଭିନବ ଅଭିଯାନର ଏକ ଦୃଷ୍ଟାନ୍ତମୂଳକ କାହାଣୀ ହେଉଛି ସିଲିକନ୍ ଇନଷ୍ଟିଚ୍ୟୁଟ୍ର ଛାତ୍ର ଦ୍ୱାରିକାନାଥ ଚୌଧୁରୀଙ୍କ । ଆକାଶମାର୍ଗରୁ ଯାନ କ୍ଷେତ୍ରରେ ତାଙ୍କର ବୈପ୍ଳବିକ ପ୍ରୋଜେକ୍ଟ ସର୍ବାଧିକ ୮୩ ମାର୍କ ହାସଲ କରିଥିଲା, ଯେଉଁଥିରେ ଏକ ନୂତନ ପିଢ଼ିର ଲମ୍ବା ଉଡ଼ାଣ ଏବଂ ଘୂରିବୁଲୁଥିବା ଫ୍ଲାପ୍ ଏବଂ ପଙ୍ଖା ସହିତ ଅବତରଣ କରାଯାଇଥିଲା । ତାଙ୍କର ଟେକ୍ନୋଲୋଜି ପାରମ୍ପରିକ ବିମାନ ଡିଜାଇନରେ ବୈପ୍ଳବିକ ପରିବର୍ତନ ଆଣିବ ବୋଲି ପ୍ରତିଶ୍ରୁତି ଦେଇଛି । ଷ୍ଟାର୍ଟଅପ୍ର ପରିବର୍ତନ ଯାତ୍ରା କେବଳ ଓଡ଼ିଶାର ନିର୍ଦ୍ଦିଷ୍ଟ ସ୍ଥାନରେ ସୀମିତ ନାହିଁ । ଖୋର୍ଦ୍ଧାରୁ ସୁନ୍ଦରଗଡ଼, ମୟୂରଭଞ୍ଜରୁ ବ୍ରହ୍ମପୁର, ରାୟଗଡ଼ାରୁ ପୁରୀ, ଝାରସୁଗୁଡ଼ାରୁ ଗଞ୍ଜାମ, ଗଜପତି ପର୍ଯ୍ୟନ୍ତ ସ୍କୁଲ ଓ କଲେଜ ଛାତ୍ରଛାତ୍ରୀମାନେ ନିଜ କଳ୍ପନାର ବିସ୍ତୃତ ପରିସରକୁ ପ୍ରଦର୍ଶିତ କରି ନିଜ ଚମତ୍କାର ଷ୍ଟାର୍ଟଅପ୍ ଚିନ୍ତାଧାରା ରେ ବିଚାରକଙ୍କ ହୃଦୟକୁ ଆକର୍ଷିତ କରିଛନ୍ତି । ଷ୍ଟାର୍ଟଅପ୍ ଓଡ଼ିଶା ପ୍ରକୃତରେ ରାଜ୍ୟର ଛାତ୍ରଛାତ୍ରୀଙ୍କ ମଧ୍ୟରେ ଉଦ୍ଭାବନର ବିପୁଳ ସମ୍ଭାବନାର ଉପଯୋଗ କରିଛି । ଏହି କାର୍ଯ୍ୟକ୍ରମଗୁଡିକରୁ ବାହାରିଥିବା ସଫଳତାର କାହାଣୀ ଷ୍ଟାର୍ଟଅପ୍ ଯାତ୍ରା ଏବଂ ଷ୍ଟାର୍ଟଅପ୍ ଏକ୍ସପ୍ରେସର ପରିବର୍ତର୍ନଶୀଳ ଶକ୍ତିର ଏକ ଜ୍ୱଳନ୍ତ ଚିତ୍ର ଚିତ୍ରଣ କରେ । ଛାତ୍ରମାନେ କେବଳ ଭିତିଭୂମି ସୃଷ୍ଟି କରୁନାହାନ୍ତି; ଉଦ୍ୟୋଗର ଜଟିଳ ଦୁନିଆକୁ ନେଭିଗେଟ୍ କରିବା ପାଇଁ ଆବଶ୍ୟକ ଦକ୍ଷତା ଏବଂ ମାନସିକତା ମଧ୍ୟ ସେମାନେ ହାସଲ କରୁଛନ୍ତି ।
