(Basant Panchami 2026) ଜ୍ୟୋତିଷ ଶାସ୍ତ୍ର ଅନୁସାରେ ଚନ୍ଦ୍ରକୁ ମନ, ଭାବନା ଓ ବୁଦ୍ଧିର କାରକ ଭାବେ ଗଣାଯାଏ। ଚନ୍ଦ୍ରର ଗତି ଦ୍ରୁତ ହୋଇଥିବାରୁ ଏହା ପ୍ରତି ଅଢ଼େଇ ଦିନରେ ରାଶି ପରିବର୍ତ୍ତନ କରେ। ଯଦିଓ ସମୟ ଅଳ୍ପ, କିନ୍ତୁ ଏହି ଗୋଚରର ପ୍ରଭାବ ମନୁଷ୍ୟ ଜୀବନ ଉପରେ ଗଭୀର ଭାବେ ପଡ଼େ। ବିଶେଷକରି ଯେତେବେଳେ ଚନ୍ଦ୍ର କୌଣସି ଶୁଭ ତିଥି କିମ୍ବା ପର୍ବରେ ରାଶି ପରିବର୍ତ୍ତନ କରେ, ସେତେବେଳେ ଏହାର ପ୍ରଭାବ ଅଧିକ ବୃଦ୍ଧି ପାଏ।
ବସନ୍ତ ପଞ୍ଚମୀ(Basant Panchami 2026)ର ଶୁଭ ଅବସରରେ, ଚନ୍ଦ୍ର କୁମ୍ଭ ରାଶି ଛାଡ଼ି ବୃହସ୍ପତିଙ୍କ ମୀନ ରାଶିରେ ପ୍ରବେଶ କରିବେ। ଏହି ଗୋଚର ୨୩ ଜାନୁଆରୀ ୨୦୨୬ ସକାଳ ୮ଟା ୩୪ ମିନିଟ୍ରେ ଘଟିବ। ଦେବୀ ସରସ୍ୱତୀଙ୍କୁ ସମର୍ପିତ ଏହି ପବିତ୍ର ଦିନରେ ହେଉଥିବା ଚନ୍ଦ୍ର ଗୋଚର ଜ୍ଞାନ, ଏକାଗ୍ରତା ଓ ସୃଜନଶୀଳତାକୁ ବୃଦ୍ଧି କରେ ବୋଲି ଜ୍ୟୋତିଷୀମାନେ ମନେ କରନ୍ତି। ଏହି ଗୋଚର ଫଳରେ ୩ଟି ରାଶି ବିଶେଷ ଭାବେ ଲାଭାନ୍ୱିତ ହେବେ। ଆସନ୍ତୁ ଜାଣିବା ସେହି ଭାଗ୍ୟଶାଳୀ ରାଶିଗୁଡ଼ିକ ବିଷୟରେ।
ବୃଷ ରାଶି
ଚନ୍ଦ୍ରର ଏହି ଗୋଚର ଆପଣଙ୍କ ରାଶିର ଲାଭ ଘରେ ଘଟିବ, ଯାହା ଆର୍ଥିକ ଓ ବୃତ୍ତିଗତ ଜୀବନରେ ଶୁଭ ଫଳ ଦେବ। କ୍ୟାରିୟରରେ ଉନ୍ନତିର ସମ୍ଭାବନା ରହିଛି ଏବଂ ଦୀର୍ଘ ସମୟର ପରିଶ୍ରମର ସକାରାତ୍ମକ ଫଳ ମିଳିପାରେ। କିଛି ଲୋକଙ୍କୁ ପଦୋନ୍ନତି କିମ୍ବା ନୂତନ ଦାୟିତ୍ୱ ମିଳିବାର ସୂଚନା ମିଳୁଛି। କାର୍ଯ୍ୟକ୍ଷେତ୍ରରେ ଆପଣଙ୍କ ପରିଶ୍ରମକୁ ବରିଷ୍ଠ ଅଧିକାରୀମାନେ ସ୍ୱୀକାର କରିବେ। ବସନ୍ତ ପଞ୍ଚମୀର ପ୍ରଭାବରେ ସୃଜନଶୀଳ କ୍ଷେତ୍ରରେ ଜଡିତ ଲୋକମାନେ ବଡ଼ ସଫଳତା ହାସଲ କରିପାରନ୍ତି। ଛାତ୍ରଛାତ୍ରୀମାନଙ୍କ ପାଇଁ ଏହା ଅଧ୍ୟୟନରେ ମନୋନିବେଶ ଓ ଭଲ ଫଳାଫଳ ପାଇବାର ସମୟ।
ବିଛା ରାଶି
ଏହି ସମୟରେ ଚନ୍ଦ୍ର ଆପଣଙ୍କ ପଞ୍ଚମ ଘରେ ଅବସ୍ଥାନ କରିବେ, ଯାହାକୁ ଶିକ୍ଷା, ବୁଦ୍ଧି ଓ ପ୍ରେମର ଘର ବୋଲି ଗଣାଯାଏ। ଏହି ଗୋଚର ଆପଣଙ୍କ ଚିନ୍ତାଧାରାକୁ ସ୍ପଷ୍ଟ କରିବ ଓ ନିଷ୍ପତ୍ତି ନେବାର କ୍ଷମତାକୁ ଶକ୍ତ କରିବ। ଦେବୀ ସରସ୍ୱତୀଙ୍କ ଆଶୀର୍ବାଦରେ ଦୀର୍ଘଦିନ ଧରି ଅଟକିଥିବା କାମ ସମାପ୍ତ ହେବାର ସମ୍ଭାବନା ଅଛି। ପ୍ରତିଯୋଗିତାମୂଳକ ପରୀକ୍ଷାରେ ଲାଗିଥିବା ଛାତ୍ରଛାତ୍ରୀମାନେ ସଫଳତା ହାସଲ କରିପାରନ୍ତି। ଯାତ୍ରାରୁ ମଧ୍ୟ ଲାଭ ମିଳିପାରେ ଏବଂ କର୍ମକ୍ଷେତ୍ରରେ ପରିସ୍ଥିତି ଅନୁକୂଳ ରହିବ।
ଧନୁ ରାଶି
ଚନ୍ଦ୍ର ଆପଣଙ୍କ ରାଶିର ଚତୁର୍ଥ ଘରେ ପ୍ରବେଶ କରିବେ, ଯାହା ସୁଖ, ଶାନ୍ତି ଓ ପାରିବାରିକ ଜୀବନ ସହ ଜଡିତ। ଏହି ସମୟରେ ପରିବାର ମଧ୍ୟରେ ସମନ୍ୱୟ ଓ ସ୍ନେହ ବୃଦ୍ଧି ପାଇବ। ପିତାମାତାଙ୍କ ସହ ସମୟ କାଟିବାର ସୁଯୋଗ ମିଳିବ। ମାନସିକ ସନ୍ତୁଳନ ଭଲ ରହିବାରୁ ଆପଣ ଆତ୍ମବିଶ୍ୱାସର ସହିତ ନିଷ୍ପତ୍ତି ନେଇପାରିବେ। କ୍ୟାରିୟରରେ ସକାରାତ୍ମକ ପରିବର୍ତ୍ତନ ଆସିପାରେ। କଳା, ସାହିତ୍ୟ ଓ ସୃଜନଶୀଳ କ୍ଷେତ୍ରରେ ଜଡିତ ବ୍ୟକ୍ତିମାନେ ସାମାଜିକ ପରିଚୟ ହାସଲ କରିପାରନ୍ତି। ଦେବୀ ସରସ୍ୱତୀଙ୍କ କୃପାରେ ଆପଣଙ୍କ ଏକାଗ୍ରତା ବୃଦ୍ଧି ପାଇବ ଓ ନୂତନ ଚିନ୍ତାଧାରାକୁ ରୂପ ଦେବାର ସୁଯୋଗ ମିଳିବ।
