ଭୁବନେଶ୍ୱର: ଭାରତରେ ଆଲମଣ୍ଡରେ ଦିନ ଆରମ୍ଭ କରିବାର ଦୀର୍ଘ ଦିନର ପରମ୍ପରା ରହିଛି । ଆଲମଣ୍ଡରେ ଭିଟାମିନ୍ ଇ, ମ୍ୟାଗ୍ନେସିୟମ୍, ଜିଙ୍କ୍, ଆଇରନ୍, କ୍ୟାଲସିୟମ୍ ଏବଂ ପ୍ରୋଟିନ୍ ଭଳି ୧୫ଟି ଅତ୍ୟାବଶ୍ୟକ ପୋଷକ ତତ୍ୱ ରହିଛି, ଯାହା ସାମଗ୍ରିକ ସୁସ୍ଥତା ବଜାୟ ରଖିବା ପାଇଁ ଗୁରୁତ୍ୱପୂର୍ଣ୍ଣ । ବାଦାମ ଖାଇବାର ମହତ୍ୱ ଉପରେ ଗୁରୁତ୍ୱ ଦେବା ପାଇଁ ପ୍ରତିବର୍ଷ ଜାନୁଆରୀ ୨୩ ତାରିଖକୁ ରାଷ୍ଟ୍ରୀୟ ଆଲମଣ୍ଡ ଦିବସ ଭାବେ ପାଳନ କରାଯାଏ । ଏହାର ଉଦ୍ଦେଶ୍ୟ ହେଉଛି ବାଦାମ ଖାଇବାର ବିଭିନ୍ନ ସ୍ୱାସ୍ଥ୍ୟ ଉପକାରିତା ବିଷୟରେ ସଚେତନତା ସୃଷ୍ଟି କରିବା ଏବଂ ଦୈନନ୍ଦିନ ଖାଦ୍ୟରେ ମୁଠାଏ ବାଦାମ କୁ ସାମିଲ କରିବାର ଗୁରୁତ୍ୱ ଉପରେ ଗୁରୁତ୍ୱାରୋପ କରିବା ।
ନ୍ୟୁଟ୍ରିସନ୍ ଆଣ୍ଡ ୱେଲନେସ୍ କନସଲଟାଂଟ ଶୀଲା କ୍ରିଷ୍ଣାସ୍ୱାମୀ କହିଛନ୍ତି, “ଆଲମଣ୍ଡ ଏକ ପୌଷ୍ଟିକ ପାୱାରହାଉସ୍, ଯେଉଁଥିରେ ବ୍ୟାପକ ଗବେଷଣା କରାଯାଇ ଏହାର ବିଭିନ୍ନ ସ୍ୱାସ୍ଥ୍ୟ ଉପକାରିତା ଉପରେ ଆଲୋକପାତ କରାଯାଇଛି । ଏହା କୋଲେଷ୍ଟ୍ରଲ ଏବଂ ଗ୍ଲୁକୋଜ ସ୍ତରକୁ ନିୟନ୍ତ୍ରଣ କରିବା ସହିତ ଓଜନ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ସ୍ୱାସ୍ଥ୍ୟକର ଚର୍ବି, ପ୍ରୋଟିନ୍, କିଛି ଭିଟାମିନ୍ ଏବଂ ମିନେରାଲ୍ସ ସମେତ ୧୫ଟି ଅତ୍ୟାବଶ୍ୟକ ପୋଷକ ତତ୍ୱ ସହିତ ବାଦାମ ଦୈନନ୍ଦିନ ଖାଦ୍ୟରେ ଏକ ଉପଯୋଗୀ ଜିନିଷ ଅଟେ । ସ୍ୱାସ୍ଥ୍ୟ କେନ୍ଦ୍ରୀତ ଖାଦ୍ୟରେ ଆଲମଣ୍ଡ ମିଶାଇଲେ କେବଳ ସ୍ୱାଦ ବଢ଼େ ନାହିଁ ବରଂ ପ୍ରତ୍ୟେକ ବାଇଟ ସହିତ ସାମଗ୍ରିକ ସୁସ୍ଥତା ମଧ୍ୟ ମିଳିଥାଏ ।”
କାଲିଫର୍ଣ୍ଣିଆର ଆଲମଣ୍ଡ ବୋର୍ଡ ଏକ ଅଭିଯାନ ମାଧ୍ୟମରେ ରାଷ୍ଟ୍ରୀୟ ଆଲମଣ୍ଡ ଦିବସ ପାଳନ କରିଥାଏ ଯେଉଁଥିରେ ଦୈନିକ ୨୩ଟି ବାଦାମ ଖାଇବା ଏବଂ ଏହି ବାଦାମର ଅନେକ ସ୍ୱାସ୍ଥ୍ୟ ଉପକାରିତା ଉପରେ ଗୁରୁତ୍ୱ ଦିଆଯାଇଥାଏ । ଦୈନନ୍ଦିନ ଖାଦ୍ୟରେ ବାଦାମକୁ ଅନ୍ତର୍ଭୁକ୍ତ କରିବାର ସ୍ୱାସ୍ଥ୍ୟ ଉପକାରିତା ବିଷୟରେ ସଚେତନତା ସୃଷ୍ଟି କରିବା ପାଇଁ ସ୍ୱାସ୍ଥ୍ୟ ବିଶେଷଜ୍ଞ ଏବଂ ପ୍ରଭାବଶାଳୀଙ୍କ ମଧ୍ୟରେ ସହଯୋଗ ମଧ୍ୟ ଏହି ଅଭିଯାନରେ ଅନ୍ତର୍ଭୁକ୍ତ ।
ଆଲମଣ୍ଡର ଉପକାରିତା ବିଷୟରେ ଫିଟନେସ୍ ଏକ୍ସପର୍ଟ ତଥା ସେଲିବ୍ରିଟି ମାଷ୍ଟର ଇନଷ୍ଟ୍ରକ୍ଟର ୟସ୍ମିନ୍ କରାଚିୱାଲା କହିଛନ୍ତି, “ଏକ ଗବେଷଣାରୁ ଜଣାପଡିଛି ଯେ ଆଲମଣ୍ଡ ଖାଇବା ଦ୍ୱାରା ଲେଗ-ବେକ ଶକ୍ତି ବୃଦ୍ଧି ପାଇଥାଏ, ବ୍ୟାୟାମ ପରେ ପୁନରୁଦ୍ଧାର ତ୍ୱରାନ୍ୱିତ ହୋଇଥାଏ ଏବଂ ଥକାପଣ ଏବଂ ଟେନସନ ଦୂର ହୋଇଥାଏ । ଏହା ସାମଗ୍ରିକ ଫିଟନେସ୍ ସ୍ତର ଏବଂ ସୁସ୍ଥତା ବୃଦ୍ଧି କରିବାରେ ସାହାଯ୍ୟ କରିବା ପାଇଁ ଆଲମଣ୍ଡ ପରି ସରଳ ତଥା ପ୍ରଭାବଶାଳୀ ପୁଷ୍ଟିକର ପସନ୍ଦକୁ ସମନ୍ୱିତ କରିବାର ଗୁରୁତ୍ୱକୁ ସୂଚାଇଥାଏ । ମୁଁ ବ୍ୟକ୍ତିଗତ ଭାବରେ ମୋ ଖାଦ୍ୟରେ ଆଲମଣ୍ଡକୁ ଅନ୍ତର୍ଭୁକ୍ତ କରିବାକୁ ସୁନିଶ୍ଚିତ କରେ, ଏବଂ ମୁଁ ମୋର ଗ୍ରାହକମାନଙ୍କୁ ଏହା ସୁପାରିସ କରୁଛି ।”
