କଳିଙ୍ଗନଗର, ଜାନୁଆରୀ ୨୧, ୨୦୨୬: ସାମାଜିକ କଲ୍ୟାଣ ଏବଂ ସ୍ୱାସ୍ଥ୍ୟସେବା ପ୍ରତି ନିଜର ପ୍ରତିବଦ୍ଧତାକୁ ଦୋହରାଇ, Tata Steel କଳିଙ୍ଗନଗର (TSK) ପକ୍ଷରୁ ବୁଧବାର, ପ୍ଲଟ୍-୨ ଅଡିଟୋରିୟମଠାରେ ଏକ ବୃହତ ରକ୍ତଦାନ ଶିବିର(Blood Donation) ସଫଳତାର ସହ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ କର୍ମଚାରୀମାନଙ୍କ ମଧ୍ୟରେ ଅଭୂତପୂର୍ବ ଉତ୍ସାହ ଦେଖିବାକୁ ମିଳିଥିଲା, ଯାହାଫଳରେ ଆଞ୍ଚଳିକ ଚିକିତ୍ସା ଆବଶ୍ୟକତାକୁ ପୂରଣ କରିବା ପାଇଁ ୨୯୦ ୟୁନିଟ୍ ରକ୍ତ ସଂଗୃହିତ ହୋଇଛି।
ଟାଟା ଷ୍ଟିଲ୍ କଳିଙ୍ଗନଗରର କୋକ୍ ପ୍ଲାଣ୍ଟ ‘ଯୁଗ୍ମ ବିଭାଗୀୟ କମିଟି’ (ଜେଡିସି) ଦ୍ୱାରା ଏହି ଶିବିର ଆୟୋଜିତ ହୋଇଥିଲା। ଏଥିରେ ଯାଜପୁର ରୋଡ୍ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଓଡ଼ିଶା ବ୍ଲଡ୍ ସେଣ୍ଟର, ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟର ଓଡ଼ିଶା ବ୍ଲଡ୍ ସେଣ୍ଟର ଏବଂ କଟକ ଏସ.ସି.ବି (SCB) ବ୍ଲଡ୍ ବ୍ୟାଙ୍କ ସହଯୋଗ କରିଥିଲେ। ଏହି ପ୍ରମୁଖ ଚିକିତ୍ସା ପ୍ରତିଷ୍ଠାନଗୁଡ଼ିକ ସହିତ ସହଭାଗିତା କରି ଏହା ନିଶ୍ଚିତ କରାଯାଇଛି ଯେ, ସଂଗୃହିତ ରକ୍ତ ରାଜ୍ୟର ସ୍ୱାସ୍ଥ୍ୟସେବା କ୍ଷେତ୍ରରେ ବିନିଯୋଗ ହୋଇପାରିବ।
Also Read : ଭୁବନେଶ୍ବରରେ ଶିଶୁ-ଅନୁକୂଳ ସ୍ଥାନ ସୃଷ୍ଟି କରିବା ପାଇଁ BMC ଏବଂ UNICEF ଏମଓୟୁ ସ୍ବାକ୍ଷର କରିଛନ୍ତି
TATA Steel କଳିଙ୍ଗନଗରର ଉପ-ସଭାପତି (ଅପରେସନ୍ସ) ଉତ୍ତମ ସିଂ ଏହି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିବା ସହ ନିଜେ ମଧ୍ୟ ରକ୍ତଦାନ କରିଥିଲେ। ଏହି ଅବସରରେ TATA Steel କଳିଙ୍ଗନଗର ୱାର୍କର୍ସ ୟୁନିଅନର ସଭାପତି ରବୀନ୍ଦ୍ର କୁମାର ଜାମୁଦାଙ୍କ ସମେତ କମ୍ପାନୀର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ରହି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ ଏବଂ ଜୀବନ ରକ୍ଷା କ୍ଷେତ୍ରରେ ସ୍ୱେଚ୍ଛାକୃତ ରକ୍ତଦାନର ଗୁରୁତ୍ୱ ଉପରେ ଆଲୋକପାତ କରିଥିଲେ।
ଏହି ୨୯୦ ଜଣ ରକ୍ତଦାତାଙ୍କ ମଧ୍ୟରେ କମ୍ପାନୀର କର୍ମଚାରୀ, ଚୁକ୍ତିଭିତ୍ତିକ ଶ୍ରମିକ ଏବଂ ଭେଣ୍ଡର ପାର୍ଟନରମାନେ ମଧ୍ୟ ସାମିଲ ଥିଲେ । ସମସ୍ତେ ଏକଜୁଟ ହୋଇ ସାମାଜିକ ଦାୟିତ୍ୱବୋଧ ଏବଂ ମାନବିକତାର ପରିଚୟ ଦେଇଛନ୍ତି। ଯାଜପୁର ଅଞ୍ଚଳରେ ସେବା ଏବଂ ସହଯୋଗର ଏକ ସଂସ୍କୃତି ଗଠନ କରିବା ପାଇଁ TATA Steelର ନିରନ୍ତର ପ୍ରୟାସକୁ ଏହି ମିଳିତ ଉଦ୍ୟମ ପ୍ରତିଫଳିତ କରୁଛି।
