କଳିଙ୍ଗ ଗ୍ରୁପ୍ ଅଫ୍ ଇନ୍ଷ୍ଟିଟ୍ୟୁଶନ୍ସ (କେଜିଆଇ) ଏବଂ ଆସୋଚାମ୍ ର ମିଳିତ ସହଭାଗିତାରେ ଇଣ୍ଡଷ୍ଟ୍ରୀ-ଏକାଡେମିଆ କନେକ୍ଟ ଆୟୋଜିତ
“କ୍ୟାମ୍ପସ୍ କନ୍ଭର୍ସେଶନ ଅନ୍ କ୍ଲାଇମେଟ ଚେଞ୍ଜ ଫର୍ ସଷ୍ଟେନାବିଲିଟି” ପ୍ରସଙ୍ଗ ଉପରେ ଏକ ରାଜ୍ୟସ୍ତରୀୟ ଆଲୋଚନା
ଭୁବନେଶ୍ୱର: ଏକ ପ୍ରମୁଖ ଶିକ୍ଷାନୁଷ୍ଠାନ, କଳିଙ୍ଗ ଗ୍ରୁପ୍ ଅଫ୍ ଇନ୍ଷ୍ଟିଟ୍ୟୁଶନ୍ସ (କେଜିଆଇ) ପକ୍ଷରୁ ଆସୋଚାମ୍, ଏଏଫ୍ଏସ୍ଏ ଓ ଇଗ୍ନାଇଟିଙ୍ଗ୍ ମାଇଣ୍ଡ୍ସ ସହ ସହଭାଗିତାରେ ଏକ ଇଣ୍ଡଷ୍ଟ୍ରୀ-ଏକାଡେମିଆ କନେକ୍ଟ ଇଭେଂଟ୍ର ଆୟୋଜନ କରାଯାଇଛି । ଯାଜପୁରର ତାରାପୁରସ୍ଥିତ କେଜିଆଇ କନ୍ଫରେନ୍ସ ହଲ୍ରେ ଆୟୋଜିତ ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ‘କ୍ୟାମ୍ପସ୍ କନ୍ଭର୍ସେଶନ ଅନ୍ କ୍ଲାଇମେଟ ଚେଞ୍ଜ ଫର୍ ସଷ୍ଟେନାବିଲିଟି’ ନାମକ ଏକ ରାଜ୍ୟସ୍ତରୀୟ ଆଲୋଚନା ଉପରେ କେନ୍ଦ୍ରିତ ଥିଲା ।
ପରିବେଶ ସମ୍ବନ୍ଧିତ ସମସ୍ୟାଗୁଡିକ ଦିନକୁ ଦିନ ଗୁରୁତ୍ୱପୂର୍ଣ୍ଣ ହେବା ସହିତ, କେଜିଆଇ ଏହି କର୍ମଶାଳାର ଆୟୋଜନ କରିବା ପାଇଁ ଏକ ସକ୍ରିୟ ପଦକ୍ଷେପ ଗ୍ରହଣ କରିଥିଲା, ଏକ ସ୍ଥାୟୀ ଭବିଷ୍ୟତ ସୁନିଶ୍ଚିତ କରିବା ପାଇଁ ପରିବେଶର ସୁରକ୍ଷା ଲାଗି ପ୍ରଦୂଷଣ ସମସ୍ୟାକୁ ଦୂର କରିବା ଓ ପଦକ୍ଷେପ ଗ୍ରହଣ କରିବାର ଜରୁରୀ ଆବଶ୍ୟକତା ଉପରେ ଗୁରୁତ୍ୱ ଦେଇଥିଲା । ଏହି କାର୍ଯ୍ୟକ୍ରମ କେଜିଆଇର ଅଧ୍ୟକ୍ଷ ଇଞ୍ଜିନିୟର ଆଲେକ୍ଜ୍ୟାଣ୍ଡର ଦାସଙ୍କ ସ୍ୱାଗତ ଅଭିଭାଷଣ ସହ ଆରମ୍ଭ ହୋଇଥିଲା । କାର୍ଯ୍ୟକ୍ରମର ଉଦ୍ଘାଟନୀ ସମାରୋହରେ ଆସୋଚାମ୍ର ଉପ ନିର୍ଦ୍ଦେଶକ ଓ ରାଜ୍ୟ ମୁଖ୍ୟ, ପ୍ରିୟବ୍ରତ ମିଶ୍ର, ଇଗ୍ନାଇଟିଂ ମାଇଣ୍ଡ୍ସର ପ୍ରଫେସର ପ୍ରଫୁଲ୍ଲ କୁମାର ଧଳ, ଟାଟା ପାୱାରରେ ସିଏସ୍ଆର୍ ମୁଖ୍ୟ ଥିବା ଦିଲ୍ଲୀପ କୁମାର ସାହୁ, ଜେଏସ୍ଡବ୍ଲ୍ୟୁର ସିଏସ୍ଆର୍ ମୁଖ୍ୟ ଶୁଭେନ୍ଦୁ ଗୋପ୍, କେଜିଆଇ ଆଡ୍ଭାଇଜରୀ ବୋର୍ଡର ଅଧ୍ୟକ୍ଷ ରଞ୍ଜନ କୁମାର ଦାସଙ୍କ ଭଳି ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ । ସେମାନେ ସାମଗ୍ରିକ ଭାବେ ପରିବେଶ ସଂରକ୍ଷଣର ମହତ୍ୱ ଏବଂ ସ୍ଥାୟିତ୍ୱ ଉପରେ ବ୍ୟାପକ ସଚେତନତା ସୃଷ୍ଟି କରିବାର ଆବଶ୍ୟକତାକୁ ରେଖାଙ୍କିତ କରିଥିଲେ ।
ଓଡିଶା ଏନ୍ଭାୟର୍ଣ୍ଣମେଂଟାଲ ସୋସାଇଟିର ଅଧ୍ୟକ୍ଷ ଡଃ ସୁନ୍ଦର ନାରାୟଣ ପାତ୍ର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସେ ଏକ ପ୍ଲାଷ୍ଟିକ-ମୁକ୍ତ କ୍ୟାମ୍ପସ୍ ବଜାୟ ରଖିବା କ୍ଷେତ୍ରରେ କେଜିଆଇର ପଦକ୍ଷେପକୁ ପ୍ରଶଂସା କରିଥିଲେ ଏବଂ ଛାତ୍ରଛାତ୍ରୀମାନେ ପ୍ରଦର୍ଶିତ କରିଥିବା ପରିବେଶୀୟ ସଚେତନତା ପାଇଁ ନିଜର ପ୍ରଶଂସାକୁ ବ୍ୟକ୍ତ କରିଥିଲେ । ନିଜ ସମ୍ବୋଧନରେ ଡଃ ପାତ୍ର ଗ୍ରୀନ୍ଭୋକେଟ କ୍ଲବ୍ର ଉଦ୍ଘାଟନ କରିଥିଲେ ଏବଂ ସ୍ଥାୟିତ୍ୱକୁ ପ୍ରୋତ୍ସାହିତ କରିବା କ୍ଷେତ୍ରରେ ସେମାନଙ୍କର ପ୍ରୟାସ ପାଇଁ ୧୦ ଜଣ ଗ୍ରୀନ୍ ଆମ୍ବାସାଡରଙ୍କୁ ସମ୍ମାନିତ କରିଥିଲେ ।
ଏହାଛଡା ଶ୍ରୀଯୁକ୍ତ ରଞ୍ଜନ କୁମାର ଦାସ ସିଭିଲ ସର୍ଭିସ୍ ଓ ଅନ୍ୟାନ୍ୟ କମ୍ପିଟିଟିଭ୍ ପରୀକ୍ଷାର ଆଶାୟୀମାନଙ୍କ ପାଇଁ ଡିଜାଇନ କରାଯାଇଥିବା ଏକ ହ୍ୟାଣ୍ଡବୁକ୍ର ଉନ୍ମୋଚନ କରିଥିଲେ ଯାହାକୁ କଳିଙ୍ଗ ଏକାଡେମି ଅଫ୍ ସିଭିଲ ସର୍ଭିସେସ୍ ଦ୍ୱାରା ବିକଶିତ କରାଯାଇଛି, ଏହା ସାମଗ୍ରିକ ଶିକ୍ଷା ଓ ସାମାଜିକ ଯୋଗଦାନ ପ୍ରତି କେଜିଆଇର ପ୍ରତିବଦ୍ଧତାକୁ ଆଗକୁ ବଢାଇଛି ।
୨ୟ ଅଧିବେଶନରେ ବିଭିନ୍ନ ପରିବେଶ ସୁରକ୍ଷା ରଣନୀତିଗୁଡିକ ଉପରେ ଏକ ନିମଜ୍ଜିତ ଆଲୋଚନା ସାମିଲ ଥିଲା ଏବଂ ଇଞ୍ଜିନିୟର ଆଲେକ୍ଜ୍ୟାଣ୍ଡର ଦାସ, ପ୍ରଫେସର ପ୍ରଫୁଲ୍ଲ କୁମାର ଧଳ, ପ୍ରତିଷ୍ଠିତ ପରିବେଶ ବୈଜ୍ଞାନିକ ଡଃ ଆଶୁତୋଷ ଆଚାର୍ଯ୍ୟ ଓ ପୂର୍ବତନ ଓୟୁଏଟି ପ୍ରଫେସର ଡଃ ନିମାଇ ଚରଣ ସ୍ୱାଇଁ ଏହାର ନେତୃତ୍ୱ ନେଇଥିଲେ । ଏହି ଅଧିବେଶନ ଏକ ଇଂଟରାକ୍ଟିଭ ପ୍ଲାଟ୍ଫର୍ମ ପ୍ରଦାନ କରିଥିଲା ଯେଉଁଠାରେ ବିଶେଷଜ୍ଞମାନେ, ପରିବେଶ ସମସ୍ୟାଗୁଡିକୁ ନେଇ ଛାତ୍ରଛାତ୍ରୀମାନେ ପଚାରିଥିବା ପ୍ରଶ୍ନଗୁଡିକର ଉତର ଦେଇଥିଲେ ।
ଏହି କାର୍ଯ୍ୟକ୍ରମ କଳିଙ୍ଗ ନଗର ପଲିଟେକ୍ନିକର ପ୍ରିନ୍ସିପାଲ ଇଞ୍ଜିନିୟର ବିଷ୍ଣୁ ଚରଣ ଦାସଙ୍କ ଧନ୍ୟବାଦ ଅର୍ପଣ ସହିତ ଶେଷ ହୋଇଥିଲା ଯିଏକି ଏହି କାର୍ଯ୍ୟକ୍ରମକୁ ଏକ ବଡ ସଫଳତାରେ ପରିଣତ କରିବା କ୍ଷେତ୍ରରେ ସମଗ୍ର କେଜିଆଇ ଟିମ୍ର ପ୍ରୟାସ ଓ ଛାତ୍ରଛାତ୍ରୀଙ୍କ ଉତ୍ସାହଜନକ ଅଂଶଗ୍ରହଣକୁ ସ୍ୱୀକୃତି ଦେଇଥିଲେ ।
