ମୁମ୍ବାଇ: ଜିଓ ଫାଇନାନ୍ସ ଗ୍ରାହକମାନଙ୍କର ଏବେ ସେମାନଙ୍କ ଟଙ୍କା ଉପରେ ସମ୍ପୂର୍ଣ୍ଣ ନିୟନ୍ତ୍ରଣ ରଖିପାରିବେ। ଜିଓ ଫାଇନାନ୍ସ ଆପ୍ ଏକ ନୂତନ ଫିଚର ଆରମ୍ଭ କରିଛି ଯାହା ବ୍ୟବହାରକାରୀମାନଙ୍କୁ ସେମାନଙ୍କର ସମସ୍ତ ବ୍ୟାଙ୍କ ଆକାଉଣ୍ଟ, ମ୍ୟୁଚୁଆଲ୍ ଫଣ୍ଡ ଏବଂ ଷ୍ଟକ୍ ପୋର୍ଟଫୋଲିଓକୁ ଏକ ପ୍ଲାଟଫର୍ମରେ ଲିଙ୍କ୍ କରି ସହଜରେ ଟ୍ରାକ୍ ଏବଂ ବିଶ୍ଳେଷଣ କରିବା ସୁବିଧା ପ୍ରଦାନ କରିଛି। ସେମାନେ ଯେକୌଣସି ବ୍ୟାଙ୍କ ଆକାଉଣ୍ଟ କିମ୍ବା ଆର୍ଥିକ ଆପ୍ ରେ ନିବେଶ କରୁଥିଲେ ମଧ୍ୟ ବ୍ୟବହାରକାରୀମାନେ ଏବେ ଜିଓ ଫାଇନାନ୍ସ ଆପ୍ରେ ଏକ ସମ୍ପୂର୍ଣ୍ଣ ଆର୍ଥିକ ଚିତ୍ର ପାଇପାରିବେ। ଏହା ବିଭିନ୍ନ ଆପ୍ରେ ସେମାନଙ୍କର ନିବେଶ ଯାଞ୍ଚ କରିବାର ଝଂଝଟକୁ ଦୂର କରିବ।
ଏହି ନୂତନ ଜିଓ ଫାଇନାନ୍ସ ଫିଚର ବ୍ୟବହାରକାରୀଙ୍କୁ ପ୍ରକୃତ ସମୟରେ ସେମାନଙ୍କର କ୍ୟାସ ଫ୍ଲୋ (ନଗଦ ପ୍ରବାହ), ଖର୍ଚ୍ଚ ଏବଂ ନିବେଶର ସମ୍ପୂର୍ଣ୍ଣ ଚିତ୍ର ପ୍ରଦାନ କରିବା ସହିତ ଏଆଇ ଆଧାରିତ ସ୍ମାର୍ଟ ପରାମର୍ଶ ମାଧ୍ୟମରେ ସେମାନଙ୍କୁ ସେମାନଙ୍କର ଟଙ୍କାକୁ ଭଲ ଭାବରେ ପରିଚାଳନା କରିବାରେ ସାହାଯ୍ୟ କରିବ।
କମ୍ପାନୀ ପକ୍ଷରୁ ଦିଆଯାଇଥିବା ସୂଚନା ଅନୁଯାୟୀ, ଟଙ୍କା ଟ୍ରାକିଂ ପାଇଁ ଆପ୍ରେ ତିନୋଟି ପ୍ରମୁଖ ଫିଚର ଯୋଡାଯାଇଛି। ପ୍ରଥମଟି ହେଉଛି “ୟୁନିଫାଏଡ୍ ଫାଇନାନ୍ସିଆଲ୍ ଡ୍ୟାସବୋର୍ଡ”, ଯାହା ସମସ୍ତ ଜିଓ ଫାଇନାନ୍ସ ଋଣ ଓ ଜମା, ଏବଂ ବାହ୍ୟ ବ୍ୟାଙ୍କ ଆକାଉଣ୍ଟ ଓ ନିବେଶକୁ ବାସ୍ତବ ସମୟରେ ଗୋଟିଏ ସ୍ଥାନରେ ପ୍ରଦର୍ଶନ କରିବ। ଏହାର ଅର୍ଥ ହେଉଛି ସମ୍ପୂର୍ଣ୍ଣ ଆର୍ଥିକ ଚିତ୍ର ଗୋଟିଏ ସ୍ଥାନରେ ଦେଖାଯାଇପାରିବ।
ଦ୍ୱିତୀୟ ବୈଶିଷ୍ଟ୍ୟ ହେଉଛି ” ସମ୍ପୂର୍ଣ୍ଣ ଆସେଟ ଟ୍ରାକିଂ” (କମ୍ପରିହେନସିଭ ଆସେଟ ଟ୍ରାକିଂ)। ବ୍ୟବହାରକାରୀମାନେ ସେମାନଙ୍କର ବାଲାନ୍ସ, ଖର୍ଚ୍ଚ ଏବଂ ନିବେଶ କାର୍ଯ୍ୟଦକ୍ଷତା ବିଶ୍ଳେଷଣ କରିବା ପାଇଁ ବ୍ୟାଙ୍କ ଆକାଉଣ୍ଟ, ମ୍ୟୁଚୁଆଲ୍ ଫଣ୍ଡ, ଇକ୍ୱିଟି ଏବଂ ଇଟିଏଫ ଗୁଡ଼ିକୁ ଲିଙ୍କ୍ କରିପାରିବେ। ଫିକ୍ସଡ଼ ଏବଂ ରେକରିଙ୍ଗ ଜମାଗୁଡିକୁ ମଧ୍ୟ ଖୁବ୍ ଶୀଘ୍ର ଏଥିରେ ଯୋଡାଯିବ।
ତୃତୀୟ ବୈଶିଷ୍ଟ୍ୟ ହେଉଛି “ସ୍ମାର୍ଟ, ଡାଟା-ଚାଳିତ ମାର୍ଗଦର୍ଶିକା”, ଯାହା ବ୍ୟବହାରକାରୀମାନଙ୍କୁ ଏଆଇ ଆଧାରିତ ଅନ୍ତର୍ଦୃଷ୍ଟି ଏବଂ ପରାମର୍ଶ ମାଧ୍ୟମରେ ସେମାନଙ୍କର ଆର୍ଥିକ ନିଷ୍ପତ୍ତିକୁ ଉନ୍ନତ କରିବାରେ ସାହାଯ୍ୟ କରିବ।
ଜିଓ ଫାଇନାନ୍ସ ପ୍ଲାଟଫର୍ମ ଏଣ୍ଡ ସର୍ଭିସ ଲିମିଟେଡ଼ର ସିଇଓ ସୁରଭେ ଏସ୍ ଶର୍ମା କହିଛନ୍ତି, “ଜିଓ ଫାଇନାନ୍ସ ଆପରେ ଏହି ଫିଚର ପ୍ରତ୍ୟେକ ଭାରତୀୟଙ୍କ ଆର୍ଥିକ ଜୀବନକୁ ସରଳ ଏବଂ ପାରଦର୍ଶୀ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଲକ୍ଷ ଲକ୍ଷ ଭାରତୀୟଙ୍କ ଆର୍ଥିକ ସଶକ୍ତିକରଣ ସୁନିଶ୍ଚିତ କରିବା ପାଇଁ, ଆମେ ଭବିଷ୍ୟତରେ ଏହି ଆପ୍ର କ୍ଷମତାକୁ ଆହୁରି ସୁଦୃଢ଼ କରିବୁ।”
ଜିଓ ଫାଇନାନ୍ସ ଆପରେ “ଟ୍ରାକ ଇୟୋର ଫାଇନାନସେସ” ଟ୍ୟାବକୁ ଯାଇ ଉପଭୋକ୍ତାମାନେ କିଛି ସରଳ ପଦକ୍ଷେପରେ ସେମାନଙ୍କର ବ୍ୟକ୍ତିଗତ ଆର୍ଥିକ ଡ୍ୟାସବୋର୍ଡ ସେଟ୍ ଅପ୍ କରିପାରିବେ। ଏଠାରେ ଉଲ୍ଲେଖନୀୟ ଯେ ଜିଓ ଫାଇନାନସିଆଲ ସର୍ଭିସେସ ଲିମିଟେଡ଼ର ଏକ ସହାୟକ କମ୍ପାନୀ, ଜିଓ ଫାଇନାନ୍ସ ପ୍ଲାଟଫର୍ମ ଏଣ୍ଡ ସର୍ଭିସ ଲିମିଟେଡ଼ ଏହି ଆପ୍ ପରିଚାଳନା କରୁଛି।
