ଜିଓ ପକ୍ଷରୁ ସାରା ଓଡ଼ିଶାରେ ସଚେତନତା ଅଭିଯାନ ସହିତ ଜାତୀୟ ସୁରକ୍ଷା ମାସ ପାଳନ

ଭୁବନେଶ୍ୱର: ରିଲାଏନ୍ସ ଜିଓ ପକ୍ଷରୁ ରାଜ୍ୟବ୍ୟାପୀ ସଚେତନତା ଅଭିଯାନ, ସୁରକ୍ଷା ଡ୍ରିଲ, ଆଲୋଚନାଚକ୍ର, ପ୍ରଶିକ୍ଷଣ ଅଧିବେଶନ ତଥା ପିଲାମାନଙ୍କ ମଧ୍ୟରେ ଚିତ୍ରାଙ୍କନ ଏବଂ ପୋଷ୍ଟର ପ୍ରସ୍ତୁତି ପ୍ରତିଯୋଗିତା ସହିତ ଜାତୀୟ ସୁରକ୍ଷା ମାସ ପାଳନ କରାଯାଉଛି। ଏହି ମାସର ପ୍ରଥମ ଭାଗରେ ରିଲାଏନ୍ସ ଜିଓ ଇନଫୋକମ୍ ଲିମିଟେଡର ଓଡିଶା ମୁଖ୍ୟ ଗୌରବ କୁମାର ଭୁବନେଶ୍ୱରରୁ ଏହି ଏକ ମାସ ବ୍ୟାପୀ ସଚେତନତା ଅଭିଯାନର ଶୁଭାରମ୍ଭ କରିଥିଲେ।

ଏହି ଅଭିଯାନ ୫୫ତମ ଜାତୀୟ ସୁରକ୍ଷା ମାସର ଥିମ ‘ସୁରକ୍ଷା ସୁଦୃଢ଼ କରିବା ପାଇଁ ଲୋକଙ୍କୁ ସାମିଲ କରନ୍ତୁ, ଶିକ୍ଷିତ କରନ୍ତୁ ଏବଂ ସଶକ୍ତ କରନ୍ତୁ’ ଥିମ୍ ଉପରେ ଆଧାରିତ ଏକ ଆହ୍ୱାନ, ଯାହା ଜିଓ କର୍ମଚାରୀ, ସେମାନଙ୍କ ପରିବାର ଏବଂ ବ୍ୟାପକ ସମୁଦାୟ ମଧ୍ୟରେ ସୁରକ୍ଷା ଅଭ୍ୟାସକୁ ପ୍ରୋତ୍ସାହିତ କରିବା ସହିତ ସୁରକ୍ଷା ପଦକ୍ଷେପରେ କର୍ମଚାରୀ ଏବଂ ଅଂଶୀଦାରମାନଙ୍କୁ ସାମିଲ କରି ଏକ ସକ୍ରିୟ ସୁରକ୍ଷା ସଂସ୍କୃତି ଗଠନ କରିବାର ଲକ୍ଷ୍ୟ ରଖିଛି। ସଚେତନତା ଅଭିଯାନର ଅଂଶ ସ୍ୱରୂପ ରାଜ୍ୟବ୍ୟାପୀ ଜିଓର ବିଭିନ୍ନ ପ୍ରତିଷ୍ଠାନରେ ବୃତ୍ତିଗତ ସୁରକ୍ଷା, ସ୍ୱାସ୍ଥ୍ୟ ଏବଂ ସଡ଼କ ସୁରକ୍ଷା ବ୍ୟବସ୍ଥା, କାର୍ଯ୍ୟସ୍ଥଳରେ ବ୍ୟକ୍ତିଗତ ସୁରକ୍ଷା ଉପକରଣ (ପିପିଇ) ବ୍ୟବହାର ଇତ୍ୟାଦିର ଗୁରୁତ୍ୱ ସମ୍ପର୍କରେ ବିଭିନ୍ନ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଉଛି।

ସଚେତନତା ଅଧିବେଶନ ସହିତ, ଓଡିଶାର ଭୁବନେଶ୍ୱର, କଟକ, ବ୍ରହ୍ମପୁର, ରାୟଗଡା, ଭବାନୀପାଟଣା, କେଉଁଝର, ଅନୁଗୁଳ, ସମ୍ବଲପୁର, ରାଉରକେଲା, ବାରିପଦା ଏବଂ ଭଦ୍ରକ ଆଦି ସହରରେ ଜିଓ କର୍ମଚାରୀମାନଙ୍କ ଦ୍ୱାରା ଚିତ୍ରାଙ୍କନ ଏବଂ ପୋଷ୍ଟର ତିଆରି ପ୍ରତିଯୋଗିତା, ସୁରକ୍ଷା ପ୍ରତିଜ୍ଞା, ସୁରକ୍ଷା ବ୍ୟାଜ୍, କୁଇଜ୍ ପ୍ରତିଯୋଗିତା ଭଳି କାର୍ଯ୍ୟକ୍ରମ ଆୟୋଜନ କରାଯାଇଛି। ଏହି ପଦକ୍ଷେପଗୁଡ଼ିକରେ ଅଂଶଗ୍ରହଣ ଉତ୍ସାହଜନକ ରହିବା ସହିତ ଅଂଶଗ୍ରହଣକାରୀମାନଙ୍କୁ ଅର୍ଥପୂର୍ଣ୍ଣ ଉପାୟରେ ସଚେତନ ଏବଂ ସାମିଲ କରିବା ନେଇ ଉଦ୍ୟମ କରାଯାଉଛି। ଏହି ଅଭିଯାନ ମାଧ୍ୟମରେ, ଜିଓ ଏହାର କର୍ମଚାରୀ, ସେମାନଙ୍କ ପରିବାର ଏବଂ ବ୍ୟାପକ ସମାଜର ମଙ୍ଗଳ ସୁନିଶ୍ଚିତ କରିବା ପାଇଁ ଏକ ସୁରକ୍ଷା ସଂସ୍କୃତିକୁ ପ୍ରୋତ୍ସାହିତ କରିବା ପାଇଁ ଏହାର ପ୍ରତିବଦ୍ଧତାକୁ ଦୋହରାଇଛି।

ଉଲ୍ଲେଖଯୋଗ୍ୟ ଯେ ମାସିକ ଜାତୀୟ ସୁରକ୍ଷା ମାସ ଅଭିଯାନ ଭାରତୀୟ ଜାତୀୟ ସୁରକ୍ଷା ପରିଷଦ ଦ୍ୱାରା ପରିଚାଳିତ ହୋଇଥାଏ ଏବଂ ପରିଷଦର ପ୍ରତିଷ୍ଠା ଦିବସ ମାର୍ଚ୍ଚ ୪ ରେ ଜାତୀୟ ସୁରକ୍ଷା ଦିବସ ପାଳନ ସହିତ ଆରମ୍ଭ ହୋଇଥାଏ।