ବାଲେଶ୍ୱର : ସ୍ପେଶାଲିଟି କେମିକାଲ କ୍ଷେତ୍ରରେ ବିଶ୍ୱସ୍ତରରେ ଅଗ୍ରଣୀ ହିମାଦ୍ରି ସ୍ପେଶାଲିଟି କେମିକାଲ ଲିମିଟେଡ (ଏଚଏସସିଏଲ) ଓଡ଼ିଶାକୁ ତା’ର ମହତ୍ୱାକାଂକ୍ଷୀ ଅଭିବୃଦ୍ଧି ରଣନୀତିର କେନ୍ଦ୍ରବିନ୍ଦୁରେ ରଖିଛି । ଡାଲମିଆ ଭାରତ ରିଫ୍ରାକ୍ଟୋରିଜ୍ ଲିମିଟେଡ୍ (ଡିବିଆରଏଲ) ସହଯୋଗରେ ହିମାଦ୍ରି ବାଲେଶ୍ୱରସ୍ଥିତ ବିର୍ଲା ଟାୟାର କାରଖାନାରେ କାର୍ଯ୍ୟ ଆରମ୍ଭ କରିବା ସହିତ ଆଧୁନିକୀକରଣ ଦିଗରେ କାର୍ଯ୍ୟ ଆରମ୍ଭ କରିଛନ୍ତି । ବିର୍ଲା ଟାୟାରକୁ ପୂର୍ବ ଗୌରବକୁ ଫେରାଇ ଆଣିବା ଉଦେ୍ଦଶ୍ୟରେ ହିମାଦ୍ରି ଓଡ଼ିଶାର ବାଲେଶ୍ୱରରେ ଉତ୍ପାଦନ କାରଖାନାର ଆଧୁନିକୀକରଣ କରିବା, ଏହାର ଉତ୍ପାଦ ଉତ୍ପାଦନ ବୃଦ୍ଧି କରିବ, ଯାହା କି ଆଜିର ବଜାର ଚାହିଦା ଏବଂ ଭବିଷ୍ୟତର ବଜାର ଚାହିଦାକୁ ପୂରଣ କରିପାରିବ । ଏହା ୩୦ ଟିପିଡି କ୍ଷମତା ସହିତ କାର୍ଯ୍ୟ ଆରମ୍ଭ କରିବ ଏବଂ ଆଗାମୀ ୨୪ ରୁ ୩୬ ମାସ ମଧ୍ୟରେ ଉନ୍ନତ ଜ୍ଞାନକୌଶଳ ଏବଂ ଅଭିନବ ପ୍ରକ୍ରିୟା ବ୍ୟବହାର କରି ଉତ୍ପାଦନ କ୍ଷମତାକୁ ୩୦ ଟିପିଡିରୁ ୪୦୦ ଟିପିଡିକୁ ବୃଦ୍ଧି କରିବାକୁ କମ୍ପାନୀ ଯୋଜନା କରିଛି ।
ବାଲେଶ୍ୱରସ୍ଥିତ ବିର୍ଲା ଟାୟାର କାରଖାନା ଗତ ମାର୍ଚ୍ଚ ୨୧ ତାରିଖରୁ ଅଚଳ ହୋଇପଡ଼ିଛି । ବର୍ଦ୍ଧିତ ସଟଡାଉନ୍ ପରେ ଏବେ ଏହି ଅଞ୍ଚଳକୁ ଏକ ନୂତନ ଅର୍ଥନୈତିକ ଲାଇଫ୍ ଲାଇନ୍ ପ୍ରଦାନ କରି ପୁଣି ଥରେ କାର୍ଯ୍ୟ ଆରମ୍ଭ କରିବାକୁ ପ୍ରସ୍ତୁତ ହେଉଛି । ଉତ୍ପାଦନ ଓ ପ୍ରତିରକ୍ଷା ଶିଳ୍ପ ପାଇଁ ଜଣାଶୁଣା ଓଡ଼ିଶାର ପ୍ରମୁଖ ଶିଳ୍ପ କେନ୍ଦ୍ର ବାଲେଶ୍ୱରରେ ଏହି ଟାୟାର କାରଖାନା ଖୋଲିବା ଦ୍ୱାରା ନିଯୁକ୍ତି ସୁଯୋଗ ସୃଷ୍ଟି ହେବା ସହ ରାଜ୍ୟର ଅର୍ଥନୀତିରେ ଯଥେଷ୍ଟ ଯୋଗଦାନ ମିଳିବ ବୋଲି ଆଶା କରାଯାଉଛି । ଉତ୍ପାଦନ କ୍ଷମତା ସମ୍ପ୍ରସାରଣରେ ଓଡ଼ିଶାର ବାଲେଶ୍ୱର ଉତ୍ପାଦନ ୟୁନିଟରେ କର୍ମଚାରୀ ବିକାଶ ପାଇଁ ଏକ ଗଠନମୂଳକ ଯୋଜନା ଅନ୍ତର୍ଭୁକ୍ତ, ଯେଉଁଥିରେ ପାଖାପାଖି ୬୦୦ କର୍ମଚାରୀଙ୍କ ଅନବୋର୍ଡିଂ ସହିତ ପ୍ରଥମ ପର୍ଯ୍ୟାୟ ଆରମ୍ଭ ହେବ । ଏଥିରେ ଶିଳ୍ପର ଅଭିଜ୍ଞ ଶ୍ରମିକ ଏବଂ ସ୍ଥାନୀୟ ବୈଷୟିକ ଅନୁଷ୍ଠାନର ନୂତନ ସ୍ନାତକ ମାନଙ୍କୁ ସାମିଲ୍ କରାଯିବ । ଆଗାମୀ ବର୍ଷଗୁଡ଼ିକରେ ଏହି ସଂଖ୍ୟା ୩୦୦୦ ରୁ ଅଧିକ ହେବ ବୋଲି ଆକଳନ କରାଯାଇଛି କାରଣ କମ୍ପାନୀ ଏହି କାରଖାନାରେ ଏହାର କାର୍ଯ୍ୟକୁ ବିସ୍ତାର କରିବ ଏବଂ ସ୍ଥାନୀୟ ପ୍ରବାସୀଙ୍କୁ ଗୁରୁତ୍ୱପୂର୍ଣ୍ଣ ନିଯୁକ୍ତି ସୁଯୋଗ ପ୍ରଦାନ କରିବ ।
