ଭୁବନେଶ୍ୱର : ଭୁବନେଶ୍ୱରର ବରମୁଣ୍ଡା ପଡିଆଠାରେ ନଭେମ୍ବର ୭ରୁ ୯ ତାରିଖ, ୨୦୨୫ ପର୍ଯ୍ୟନ୍ତ ଏକ ତିନି ଦିନିଆ ମେଗା ଇଣ୍ଡଷ୍ଟ୍ରିଆଲ ଇଭେଂଟ ଇଣ୍ଡୋମାକ୍ ଭୁବନେଶ୍ୱର ୨୦୨୫ ଆୟୋଜିତ ହୋଇଛି । ଏହି ପ୍ରଦର୍ଶନୀକୁ ଓଡିଶା ସ୍ମଲ ସ୍କେଲ ଇଣ୍ଡଷ୍ଟ୍ରିଜ ଆସୋସିଏଶନ (ଓଏସଏସଆଇଏ) ସହ ସହଭାଗିତାରେ ଇଣ୍ଡୋମାକ୍ ବିଜ୍ନେସ୍ ସଲ୍ୟୁଶନ୍ସ ଦ୍ୱାରା ଆୟୋଜନ କରାଯାଇଛି । ଏହି ବି୨ବି ଇଣ୍ଡଷ୍ଟ୍ରିଆଲ ମେଶିନେରୀ ଓ ଇଞ୍ଜିନିୟରିଂ ଏକ୍ସପୋ ଭାରତର ଉତ୍ପାଦନ ଓ ନିର୍ମାଣ କ୍ଷେତ୍ର ପାଇଁ ଏକ ଉଲ୍ଲେଖନୀୟ ଏକତ୍ରିକରଣ ହେବା ପାଇଁ ପ୍ରତିଶ୍ରୁତି ଦେଉଛି । ଏହି ପ୍ରଦର୍ଶନୀରେ ଦେଶବ୍ୟାପୀ ୧୫୦ରୁ ଅଧିକ ପ୍ରତିଷ୍ଠିତ କମ୍ପାନୀ ଅଂଶଗ୍ରହଣ କରିଛନ୍ତି ଯିଏକି ଏକାଧିକ ଶିଳ୍ପ କ୍ଷେତ୍ରର ପ୍ରତିନିଧିତ୍ୱ କରୁଛନ୍ତି । ଭୁବନେଶ୍ୱର, କଟକ, ରାଉରକେଲା, ଝାରସୁଗୁଡା, ଅନୁଗୁଳ ଏବଂ ପୂର୍ବ ଭାରତ ଭଳି ପ୍ରମୁଖ ଶିଳ୍ପ କେନ୍ଦ୍ରଗୁଡିକରୁ ୧୫୦୦୦ରୁ ଅଧିକ ବ୍ୟବସାୟିକ ପରିଦର୍ଶକ ଏହି ପ୍ରଦର୍ଶନୀରେ ଯୋଗ ଦେବେ ବୋଲି ଆଶା କରାଯାଉଥିବା ବେଳେ, ଏହି କାର୍ଯ୍ୟକ୍ରମ ଅଂଚଳରେ ସାର୍ଥକ ବ୍ୟବସାୟିକ ସଂଯୋଗ ବିକଶିତ କରିବା ଏବଂ ଶିଳ୍ପ ଅଭିବୃଦ୍ଧିକୁ ଆଗକୁ ବଢାଇବା ପାଇଁ ଲକ୍ଷ୍ୟ ରଖିଛି ।
ଏସମ୍ପର୍କରେ ଇଣ୍ଡୋମାକ୍ ବି୨ବି ଇଣ୍ଡଷ୍ଟ୍ରିଆଲ ଆଣ୍ଡ ମେଶିନେରୀ ଏକ୍ସପୋ ୨୦୨୫ର ନିର୍ଦ୍ଦେଶକ ମନିଷ ସିହ୍ନା କହିଛନ୍ତି, “ଡିଲର ଓ ଡିଷ୍ଟ୍ରିବ୍ୟୁଟରଙ୍କ ସମେତ ରାଜ୍ୟର ଶିଳ୍ପଗୁଡିକ ଏହି ଦୁଇ ଦିନିଆ ଇଭେଂଟରୁ ବହୁମାତ୍ରାରେ ଉପକୃତ ହେବେ । ପ୍ରଦର୍ଶନୀରେ ୧୧୦ରୁ ଅଧିକ ଅଂଶଗ୍ରହଣକାରୀଙ୍କ ଦ୍ୱାରା ବିଭିନ୍ନ ଆଧୁନିକ ଟେକ୍ନୋଲୋଜି ଓ ଯନ୍ତ୍ରପାତି ପ୍ରଦର୍ଶନ କରାଯିବ ।”
ସେହିପରି ଓଡିଶା ସ୍ମଲ ସ୍କେଲ ଇଣ୍ଡଷ୍ଟ୍ରିଜ ଆସୋସିଏଶନ (ଓଏସଏସଆଇଏ)ର ଅଧ୍ୟକ୍ଷ ସମରଜିତ ମହାନ୍ତି କହିଛନ୍ତି, “ ଓଡିଶାରେ ଏହା ହେଉଛି ପ୍ରଥମ ଏକ୍ସପୋ ଯେଉଁଠାରେ ଇଞ୍ଜିନିୟରିଂ ଓ ମେଶିନେରୀ ସାମଗ୍ରୀଗୁଡିକୁ ପ୍ରଦର୍ଶିତ କରାଯାଉଛି । ଏହା ଆମର ଏମଏସଏମଇଗୁଡିକ ପାଇଁ ଲାଭଦାୟକ ହେବ । ଆମେ ଏହି ଇଭେଂଟର ଆୟୋଜନ କରିବା ପାଇଁ ଇଣ୍ଡୋମାକ୍ ସହ ସହଯୋଗିତା କରି ଗର୍ବିତ ଅନୁଭବ କରୁଛୁ ।” ଇଣ୍ଡୋମାକ୍ର ନିର୍ଦ୍ଦେଶକ ଶ୍ରୀଯୁକ୍ତ ସୁଧୀର ଭୋଲେ, ଶ୍ରୀଯୁକ୍ତ ମନିଷ ସିହ୍ନା, ଶ୍ରୀଯୁକ୍ତ ସଚିନ ଶର୍ମା ଓ ଶ୍ରୀଯୁକ୍ତ ସୁମିତ ପୋରୱାଲ ଏହି କାର୍ଯ୍ୟକ୍ରମର ଉଦ୍ଘାଟନୀ ସମାରୋହରେ ଉପସ୍ଥିତ ଥିଲେ ।
ଇଣ୍ଡୋମାକ୍ ଭୁବନେଶ୍ୱର ୨୦୨୫ ହେଉଛି ନୂତନ ଯନ୍ତ୍ରପାତି, ଇଞ୍ଜିନିୟରିଂ ପ୍ରଡକ୍ଟ, ଅଟୋମେଶନ ଟେକ୍ନୋଲୋଜି ଓ ମାନୁଫ୍ୟାକ୍ଚରିଂ ସଲ୍ୟୁଶନଗୁଡିକୁ ପ୍ରଦର୍ଶିତ କରୁଥିବା ଏକ ପ୍ରିମିୟମ ଇଣ୍ଡଷ୍ଟ୍ରିଆଲ ପ୍ଲାଟଫର୍ମ । ଏହି ଇଭେଂଟ ଏକ ଗତିଶୀଳ ପରିବେଶ ପ୍ରଦାନ କରୁଛି ଯେଉଁଠାରେ ଉତ୍ପାଦନକାରୀ, ଯୋଗାଣକାରୀ, ବ୍ୟବସାୟୀ ଓ ଶିଳ୍ପର କ୍ରେତାମାନେ ନୂଆ ବ୍ୟବସାୟିକ ସୁଯୋଗ ଓ ସହଭାଗିତାଗୁଡିକୁ ଅନ୍ୱେଷଣ କରିବା ପାଇଁ ଗୋଟିଏ ଛାତ ତଳେ ଏକତ୍ରିତ ହୋଇଛନ୍ତି । ପରିଦର୍ଶକମାନେ ଏଠାରେ ଲାଇଭ ମେଶିନେରୀ ପ୍ରଦର୍ଶନ, ନୂଆ ଉତ୍ପାଦ ଲଂଚ ଓ ଏକ୍ସକ୍ଲୁସିଭ ବି୨ବି ନେଟ୍ୱର୍କିଂ ସେଶନଗୁଡିକର ଅନୁଭୂତି ପାଇପାରିବେ ଯାହା ଭାରତର ଶିଳ୍ପ ଓ ଉତ୍ପାଦନ ପ୍ରଯୁକ୍ତିବିଦ୍ୟା କ୍ଷେତ୍ରର ଭବିଷ୍ୟତକୁ ହାଇଲାଇଟ କରୁଛି ।
ଏହି ଏକ୍ସପୋରେ ଅଶୋକ ଲେଲ୍ୟାଣ୍ଡ, ତାପାରିଆ ଟୁଲ୍ସ ଲିମିଟେଡ, ମେହତା ହାଇଟେକ ଇଣ୍ଡଷ୍ଟ୍ରିଜ ଲିମିଟେଡ, ମିସର କଟିଙ୍ଗ ସିଷ୍ଟମସ ଇଣ୍ଡିଆ ପ୍ରା.ଲିଃ, ପଲିମାକ ଟୁଲ୍ସ ପ୍ରା.ଲିଃ, ସାଲଜର ଇଲେକ୍ଟ୍ରୋନିକ୍ସ ଲିଃ, ଏଫଏସ କମ୍ପ୍ରେସର୍ସ ଇଣ୍ଡିଆ ପ୍ରାଇଭେଟ ଲିମିଟେଡ, ସହଜାନନ୍ଦ ଲେଜର ଟେକ୍ନୋଲୋଜି ଲିମିଟେଡ, ପାୱାର ୱାନ ମାଇକ୍ରୋ ସିଷ୍ଟମ୍ସ ପ୍ରା.ଲିଃ, ମଡ୍ୟୁଲାର କ୍ରେନ ମାନୁଫ୍ୟାକ୍ଚରିଂ କମ୍ପାନୀ, ଏସ୍ କାୱାସାକି କ୍ରେନ ଇଣ୍ଡିଆ ଲିଃ, ସର୍ଜଟେକ୍ ଏନର୍ଜି ପ୍ରା.ଲିଃ, ଇକୋଏୟାର ଏଂଟରପ୍ରାଇଜେସ, ରାଡିଟେକ ହାଇଡ୍ରୋମାଟିକ୍ସ ପ୍ରା.ଲିଃ, ପିୱାଗ ଇଣ୍ଡିଆ ପ୍ରା.ଲିଃ, ଷ୍ଟାଟଫିଲ୍ଡ ଇଣ୍ଡିଆ ପ୍ରା.ଲିଃ, ଟାଲି ସଲ୍ୟୁଶନ୍ସ ପ୍ରା.ଲିଃ, ଓଜସ୍ୱୀ ମେଶିନ୍ସ ପ୍ରା.ଲିଃ, ଏୟାରୱେଲ ସିଷ୍ଟମସ, ଶୃଜନ ଇଣ୍ଡଷ୍ଟ୍ରିଜ ଏଲଏଲପି, ପ୍ଲାନେଟ ପାୱାର ଟୁଲସ, ଡିଇଇ ବିଇଇ ଏଂଟରପ୍ରାଇଜେସ, ଟପ କ୍ରେନ ସିଷ୍ଟମସ ପ୍ରା.ଲିଃ, ବି ଆର ଇଲେକ୍ଟ୍ରିକାଲ୍ସ, ହରିପ୍ରିୟା ଇନ୍ଷ୍ଟ୍ରୁମେଂଟସ, ଶ୍ରଦ୍ଧା ଫିଲ୍ଟର ଟେକ୍ନୋଲୋଜି, ପ୍ରଗତି ଇଣ୍ଡଷ୍ଟ୍ରିଜ, ଏସ.ବି. ଇଲେକ୍ଟ୍ରୋଟେକ୍, ହିବେନ ଟେକ୍ନୋଭେଶନ ପ୍ରା.ଲିଃ, ରେଲିୟନ ସଫ୍ଟେକ ଲିମିଟେଡ ଭଳି କମ୍ପାନୀ ଅଂଶଗ୍ରହଣ କରିଛନ୍ତି । ଏହି କମ୍ପାନୀଗୁଡିକ ମେଶିନ ଟୁଲ୍ସ, ଅଟୋମେଶନ, ରୋବୋଟିକ୍ସ, ହାଇଡ୍ରୌଲିକ୍ସ, ନ୍ୟୁମାଟିକ୍ସ, ଇଲେକ୍ଟ୍ରିକାଲ୍ସ, ୱେଲ୍ଡିଙ୍ଗ, ଇଣ୍ଡଷ୍ଟ୍ରିଆଲ ଇକ୍ୱିପମେଂଟ ଓ ମ୍ୟାଟେରିଆଲ ହ୍ୟାଣ୍ଡଲିଙ୍ଗ ସିଷ୍ଟମ୍ସ କ୍ଷେତ୍ରରେ ଅତ୍ୟାଧୁନିକ ଉଦ୍ଭାବନଗୁଡିକୁ ପ୍ରଦର୍ଶିତ କରିବେ ।
