ଭୁବନେଶ୍ୱରରେ ଉନ୍ମୋଚିତ ହେଲା ନୂଆ ଓଡ଼ିଆ ଦୈନିକ ଖବରକାଗଜ ‘ସର୍କାର’

ଭୁବନେଶ୍ୱର, ୩୦ ଅକ୍ଟୋବର ୨୦୨୪ : ଓଡ଼ିଆ ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଉନ୍ନତି ଆଣିବା ପାଇଁ ଆଜି ବିଶିଷ୍ଟ ବ୍ୟକ୍ତିଗଣ, ଗଣମାଧ୍ୟମ ପ୍ରତିନିଧି ଓ ପବ୍ଲିକ ଫିଗରଙ୍କ ଉପସ୍ଥିତିରେ ଆୟୋଜିତ ଏକ ଭବ୍ୟ ସମାରୋହରେ ନୂଆ ଦୈନିକ ଖବରକାଗଜ ‘ସର୍କାର’ର ଆନୁଷ୍ଠାନିକ ଶୁଭାରମ୍ଭ କରାଯାଇଛି । ବୁଦ୍ଧିଜୀବୀ ଭାଷଣ ଓ ସାମ୍ବାଦିକତାର ଶ୍ରେଷ୍ଠତାକୁ ସ୍ୱୀକୃତି ପ୍ରଦାନ କରୁଥିବା ଏହି କାର୍ଯ୍ୟକ୍ରମ ଓଡ଼ିଶାର ଗଣମାଧ୍ୟମ ଜଗତରେ ଏକ ନୂଆ ଅଧ୍ୟାୟ ସୃଷ୍ଟି କରିଛି । ସର୍କାରର ମୁଖ୍ୟ ସମ୍ପାଦକ ପ୍ରକାଶ ରଥ ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ଆରମ୍ଭ କରିଥିଲେ ଏବଂ ସେ ନିରପେକ୍ଷ, ଚିନ୍ତାଶୀଳ ଏବଂ ପ୍ରଭାବଶାଳୀ ଖବର ପ୍ରଦାନ କରିବା ପାଇଁ ଖବରକାଗଜର ମିଶନ ଉପରେ ଆଲୋକପାତ କରିଥିଲେ । ସର୍କାରର ପ୍ରତିଷ୍ଠାତା ଜଗଦୀଶ ପ୍ରସାଦ ନାୟକ ଏହି ଖବରକାଗଜର ଶୁଭାରମ୍ଭ କରିବା ର ଲକ୍ଷ୍ୟ ବାଂଟିବା ସହ ଏକ ସଚେତନ ସମାଜ ଗଠନରେ ଏହାର ଭୂମିକା ଉପରେ ଗୁରୁତ୍ୱାରୋପ କରିଥିଲେ ।

ଦି ନ୍ୟୁ ଇଣ୍ଡିଆନ ଏକ୍ସପ୍ରେସର ସମ୍ପାଦକୀୟ ନିର୍ଦ୍ଦେଶକ ପ୍ରଭୁଦୟାଲ ଚାୱଲା ମୁଖ୍ୟ ବକ୍ତବ୍ୟ ରଖିଥିଲେ । ଶ୍ରୀ ଚାୱଲା ସତ୍ୟ ଓ ସ୍ୱଚ୍ଛତା ପାଇଁ ଉତ୍ସର୍ଗୀକୃତ ଓଡ଼ିଆ ସାମ୍ବାଦିକତାର ମୂଳଦୁଆ ପାଲଟିବା ନେଇ ସର୍କାରର ସାମର୍ଥ୍ୟ ପାଇଁ ଉତ୍ସାହ ପ୍ରକାଶ କରିଥିଲେ । ପ୍ରିଂଟ ସଂସ୍କରଣର ଭବ୍ୟ ଉଦଘାଟନୀ ଉତ୍ସବକୁ ଉଦଘାଟନୀ ମୁଖ୍ୟ ଅତିଥି ଓ ମୁଖ୍ୟ ଅତିଥିଙ୍କ ସହ ମଂଚରେ ଉପସ୍ଥିତ ବିଶିଷ୍ଟ ବ୍ୟକ୍ତିମାନେ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ସର୍କାରର ଡିଜିଟାଲ ପ୍ଲାଟଫର୍ମର ଉଦଘାଟନ ସହ ପାରମ୍ପରିକ ସାମ୍ବାଦିକତାକୁ ଆଧୁନିକ ଗଣମାଧ୍ୟମ ସହିତ ମିଶ୍ରଣ କରିବା ପାଇଁ ଖବରକାଗଜର ପ୍ରତିବଦ୍ଧତା ଉପରେ ଆଲୋକପାତ କରାଯାଇଥିଲା । ଏହି ଅବସରରେ ଏକ ସ୍ୱତନ୍ତ୍ର ପୁରସ୍କାର ପ୍ରଦାନ କରାଯାଇଥିଲା । ସାମ୍ବାଦିକତା କ୍ଷେତ୍ରରେ ଜୀବନବ୍ୟାପୀ ସମର୍ପଣ ପାଇଁ ଇଷ୍ଟର୍ଣ୍ଣ ମିଡିଆ ଲିମିଟେଡର ଅଧ୍ୟକ୍ଷ ସୌମ୍ୟରଂଜନ ପଟ୍ଟନାୟକଙ୍କୁ ସାମ୍ବାଦିକତା କ୍ଷେତ୍ରରେ ଲାଇଫ୍ ଟାଇମ୍ ଆଚିଭମେଂଟ ଆୱାର୍ଡ ପ୍ରଦାନ କରାଯାଇଛି । ମୁଖ୍ୟ ବକ୍ତା ମାନ୍ୟବର ଆଇନ, ପୂର୍ତ ଓ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଗଣତନ୍ତ୍ର ଓ ଶାସନକୁ ସୁଦୃଢ଼ କରିବାରେ ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ନିଜର ମତ ବ୍ୟକ୍ତ କରିଥିଲେ ।

ଏହି ଅବସରରେ ଓଲିଉଡ ଅଭିନେତ୍ରୀ ଅର୍ଚ୍ଚିତା ସାହୁ, ଭୂମିକା ଦାଶ, ଶିବାନୀ ସଙ୍ଗୀତା, ରିୟା ଦେ, ଶୀତଲ ପାତ୍ର, ଦେବାଶିଷ ପାତ୍ର, ସୁଭାଶିଷ ମିଶ୍ର ଏବଂ ଲୋକପ୍ରିୟ ଗାୟୀକା ରଶ୍ମିତା ଦାସଙ୍କୁ ପୁରସ୍କାରରେ ସମ୍ମାନିତ କରାଯାଇଛି । କାର୍ଯ୍ୟକ୍ରମ ଶେଷରେ ସର୍କାରର ସମ୍ପାଦକ ରବି ନାରାୟଣ ଜେନା ଧନ୍ୟବାଦ ଅର୍ପଣ କରିବା ସହ ଉପସ୍ଥିତ ଲୋକଙ୍କୁ କୃତଜ୍ଞତା ଜ୍ଞାପନ କରିବା ସହ ସାମ୍ବାଦିକତା ପ୍ରତି ଖବରକାଗଜର ପ୍ରତିବଦ୍ଧତାକୁ ଦୋହରାଇଥିଲେ । ସର୍କାର ଖବର ଏବଂ ବିଶ୍ଳେଷଣର ଏକ ବିଶ୍ୱସ୍ତ ଉତ୍ସ ଭାବରେ କାର୍ଯ୍ୟ କରିବାକୁ ତଥା ନାଗରିକମାନଙ୍କୁ ସଚେତନ ନିଷ୍ପତି ନେବା ପାଇଁ ଆବଶ୍ୟକ ସୂଚନା ସହିତ ସଶକ୍ତ କରିବାକୁ ଲକ୍ଷ୍ୟ ରଖିଛି । ଏକ ଉତ୍ସର୍ଗୀକୃତ ସମ୍ପାଦକୀୟ ଦଳ ଏବଂ ଆଂଚଳିକ ଓ ଜାତୀୟ ବ୍ୟାପାର ଉପରେ ଦୃଢ଼ ଧ୍ୟାନ ଦେଇ ଏହି ଖବରକାଗଜ ଉଭୟ ପ୍ରିଂଟ ଓ ଡିଜିଟାଲ ପାଠକଙ୍କୁ ସେବା ଯୋଗାଇବ ଏବଂ ଓଡ଼ିଶାବାସୀଙ୍କ ସହ ଗଭୀର ସମ୍ପର୍କ ସୃଷ୍ଟି କରିବ ।