ଭୁବନେଶ୍ୱର: ଅମରାବତୀ ଡ୍ରୋନ୍ ସମ୍ମିଳନୀ ଅବସରରେ ଆୟୋଜିତ ଭାରତର ଅନ୍ୟତମ ବୃହତମ ଡ୍ରୋନ ହ୍ୟାକାଥନରେ ଓଡ଼ିଶା ସ୍ଥିତ ବନଭିଏରୋ ବିଜୟ ହାସଲ କରିଛି । ଏହି କାର୍ଯ୍ୟକ୍ରମରେ ୫୦୦ରୁ ଅଧିକ ଅଂଶଗ୍ରହଣକାରୀ ସାମିଲ ହୋଇଥିଲେ ଏବଂ ସେମାନେ ଡ୍ରୋନ ପ୍ରଯୁକ୍ତିରେ ରହିଥିବା ଆହ୍ୱାନଗୁଡ଼ିକର ଅଭିନବ ସମାଧାନ ଉପସ୍ଥାପନ କରିଥିଲେ । ଆନ୍ଧ୍ରପ୍ରଦେଶ ଡ୍ରୋନ କର୍ପୋରେସନ ପକ୍ଷରୁ ଆୟୋଜିତ ଏହି ହ୍ୟାକାଥନର ଉଦ୍ଦେଶ୍ୟ ହେଉଛି ବିଭିନ୍ନ କ୍ଷେତ୍ରରେ ଡ୍ରୋନ ଭିତିକ ପ୍ରୟୋଗ ବିକାଶକୁ ପ୍ରୋତ୍ସାହିତ କରିବା । ପାରମ୍ପରିକ ପରିବହନ ସମସ୍ୟାର ସମ୍ମୁଖୀନ ହେଉଥିବା ଦୁର୍ଗମ ଏବଂ ପାହାଡ଼ିଆ ଅଂଚଳ ପାଇଁ ଡ୍ରୋନ୍ ବିତରଣ ସମାଧାନ ଉପରେ ଧ୍ୟାନ ଦେଇ ବନଭିଏରୋ ନିଜକୁ ଲୋକପ୍ରିୟ କରିପାରିଛି । ନିକଟରେ କମ୍ପାନି ଉମଲିଙ୍ଗ ଲା ପାସରେ ୧୯,୦୨୪ ଫୁଟ ଉଚ୍ଚତାରେ ୩୦ କେଜି ପେଲୋଡ଼ ବହନ କରିଥିବା ଏକ ହୋଭର ଉଡ଼ାଣ କରି ବିଶ୍ୱ ରେକର୍ଡ ସୃଷ୍ଟି କରିଥିଲା । ଭାରତୀୟ ସେନାକୁ ହେଭି-ଲିଫ୍ଟ ୟୁଏଭି ଯୋଗାଉଥିବା ଏକ ପ୍ରମୁଖ ଯୋଗାଣକାରୀ ଭାବରେ ବନଭିଏରୋ ଡ୍ରୋନ୍ ପ୍ରଯୁକ୍ତିର ସୀମାକୁ ନିରନ୍ତର ଭାବେ ଅତିକ୍ରମ କରିବା ଜାରି ରଖିଛି ।
ଏ ସମ୍ପର୍କରେ ବନଭିଏରୋର ସିଇଓ ତଥା ସହପ୍ରତିଷ୍ଠାତା ସତ୍ୟବ୍ରତ ଶତପଥୀ କହିଛନ୍ତି ଯେ, “ପାରମ୍ପରିକ ପରିବହନ ଅକ୍ଷମ ଅଂଚଳକୁ ଗୁରୁତ୍ୱପୂର୍ଣ୍ଣ ସାମଗ୍ରୀ ପହଂଚାଇବା ପାଇଁ ଡ୍ରୋନ ଭିତିକ ସମାଧାନ ବିକଶିତ କରିବା ହେଉଛି ଆମର ଲକ୍ଷ୍ୟ । ଏହି ସ୍ୱୀକୃତି ଆମର ପ୍ରୟାସକୁ ପ୍ରମାଣିତ କରୁଛି ଏବଂ ଡ୍ରୋନ୍ ପ୍ରଯୁକ୍ତି ମାଧ୍ୟମରେ ଲଜିଷ୍ଟିକ୍ସରେ ବିପ୍ଳବ ଆଣିବା ପାଇଁ ଆମର ପ୍ରତିବଦ୍ଧତାକୁ ସୁଦୃଢ଼ କରୁଛି ।”
ଏହି ସମ୍ମିଳନୀରେ ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ କେ. ରାମମୋହନ ନାଇଡୁ ନିଜ ନିଜର ବକ୍ତବ୍ୟ ରଖିଥିଲେ । ସେମାନେ ଡ୍ରୋନ ଉଦ୍ଭାବନ କ୍ଷେତ୍ରରେ ଆନ୍ଧ୍ରପ୍ରଦେଶ ଅଗ୍ରଣୀ ହେବାର ଅଭିଳାଷ ଉପରେ ଆଲୋକପାତ କରିଥିଲେ । ସେମାନେ ଡ୍ରୋନ୍ ନିର୍ମାତାମାନଙ୍କୁ ନୂତନ ବ୍ୟବହାର ମାମଲା ଏବଂ ଚିନ୍ତାଧାରାର ପ୍ରମାଣ ପାଇଁ ରାଜ୍ୟକୁ ଏକ ପରୀକ୍ଷଣ ସ୍ଥଳ ଭାବରେ ବ୍ୟବହାର କରିବାକୁ ଅନୁରୋଧ କରିଥିଲେ । ୫,୫୦୦ ଡ୍ରୋନକୁ ନେଇ ଏକ ଡ୍ରୋନ୍ ଶୋ\’ ପ୍ରଦର୍ଶିତ କରାଯାଇଥିଲା ଯାହା ଡ୍ରୋନ୍ ଶିଳ୍ପରେ ସହଯୋଗ ଏବଂ ଅଭିନବତାକୁ ପ୍ରୋତ୍ସାହିତ କରିବାରେ ଏହି ସମ୍ମିଳନୀର ମହତ୍ୱ ଉପରେ ଆଲୋକପାତ କରିଥିଲା । ହ୍ୟାକାଥନରେ ବନଭିଏରୋର ସଫଳତା ଡ୍ରୋନ୍ ଟେକ୍ନୋଲୋଜି ମାଧ୍ୟମରେ ଲଜିଷ୍ଟିକ୍ ସମାଧାନକୁ ଆଗକୁ ବଢ଼ାଇବା ପାଇଁ ଏହାର ସମର୍ପଣକୁ ପ୍ରତିଫଳିତ କରୁଛି ଯାହା ଆନ୍ଧ୍ରପ୍ରଦେଶର ଡ୍ରୋନ୍ ଆଧାରିତ ଉଦ୍ଭାବନର କେନ୍ଦ୍ର ହେବାର ଲକ୍ଷ୍ୟ ସହିତ ଯୋଡ଼ି ହୋଇଛି ।
